Sarah Staub (-Colombo) aus Zürich, am 07. Juli 2022 um 09:02

Viu z früeh... O i mir hesch du damals ds Füür entfacht, dass es Spass macht, sich z engagiere u dadrmit sich für die ganzi Geuschaft iizsetze. I bi zwar när nid ir Jugendarbeit glandet u de doch o nid Politikerin worde. Aber immerhin bini brueflech im Biudigsberiich gstrandet u fühle mi wohl. I ha immer mau wieder, wenn ig i de soziale Medie öpis vo dir ufgschnappet ha, müesse schmunzle, dass ig di scho damals kennt ha, wos Infoklick no gar nid gäh het. U ig dänke gärn drah zrügg, was fürne tolle Wäggfährte du o für mi gsi bisch. Truurig, aber mit Fröid im Härz bhauteni di in Erinnerig!